Վրաստանում հազվագյուտ գույնի շուն է լույս աշխարհ եկել
Վրաստանի Ախալցխա քաղաքի մոտակա գյուղում (Սամցխե-Ջավախք մարզ) հազվագյուտ գույնի՝ կանաչ շնիկ է շույս աշխարհ եկել: Ինչպես փոխանցում է РИА Новости-ն՝ հղում անելով «Ռուսթավի 2» հեռուստաընկերությանը, շան տերը հայտնել է, որ իր հետ արդեն կապ են հաստատել կենդանաբանական այգու աշխատակիցները, սակայն ինքը մտադիր չէ հրաժարվել շան ձագից:
Ամանորին ծնված կանաչ շնիկին Մեսարկիշվիլիների ընտանիքն անվանել է Գրինչ, որի հետ միասին լույս աշխարհ է եկել ևս 7 շնիկ:
Նշվում է, որ կանաչ երանգով շան ծնունդը բավականին հազվագյուտ երևույթ է: Շան մորթու գունավորումը բացատրվում է շան ընկերքում բիլիվերդինի (լեղու կանաչ պիգմենտ) բարձր պարունակությամբ:
