«Եթե չանցնենք որակյալ պետական կառավարման, ոտքի չենք կանգնելու, եղածն էլ ենք կորցնելու». Հովհաննես Ավետիսյան
Պետական կառավարման մասնագետ Հովհաննես Ավետիսյանը ֆեյսբուքյան իր էջում գրում է.
«Պետություն =» տարածք + մարդիկ + պետական կառավարում =» արդյունք = ստեղծված արժեք
կամ այլ կերպ՝
նյութական ռեսուրսներ + մարդկային ռեսուրսներ + պետական կառավարում =» արդյունք
Կարծում եմ բոլորին հասկանալի և պարզ բանաձև է: Տարիներ շարունակ մարդկանց թիվը նվազում էր, կառավարման որակն էլ վատանում: Անցյալ տարի բանաձևից պակասեց նաև տարածքը, որպես գլխավոր նյութական ռեսուրս: Հիմա ի՞նչ եք կարծում, ինչպե՞ս պետք է լինի, որ մեր վիճակը լավանա, որ աճ ու զարգացում ունենանք:
Միակ լուծումը այս պահին, միջնաժամկետում և երկարաժամկետում կառավարման որակի փոփոխությունն է: Եթե չանցնենք որակյալ պետական կառավարման, ոտքի չենք կանգնելու, եղածն էլ ենք կորցնելու:
Նշանակալի դերակատար քաղաքական ուժերը ցանկացած պլան մտածելիս սա պարտադիր պետք է հաշվի առնեն: Այլապես չի ստացվելու: Նիկոլը էսօր կա վաղը չէ, բայց իր վատ կառավարմամբ ստեղծված վիճակը առանց իրեն էլ մնալու է և լուծումներ է պահանջելու»:
