«Շուշիում ամեն բան վերահսկողության տակ է։ Բանակը գործում է ու շատ վստահ է գործում։ Այո, դժվար է։ Այո, թուրքը քաղաքի մոտակայքում է։ Բայց ո՞վ է ասել, որ հեշտ պետք է լինի»
Հրանտ Մելիք–Շահնազարյանը ֆեյսբուքյան իր էջում գրում է․ «Պատերազմը միայն ավտոմատ ու հրետանի չէ։ Պատերազմը նախ և առաջ ճիշտ կառավարում է։ Նաև տեղեկատվական հոսքերի ճիշտ կառավարում։ Սա պարզ իրողություն է, որը չի կարելի հաշվի չառնել։
Հիմա ինձ տասնյակ մարդիկ են զանգում ու ամենաանհավանական հարցերը տալիս։ Շատերը կարծում են, թե Շուշին ընկել է։ Շատերը չեն հասկանում, թե այդ ինչ խուճապ է տարածվել Ստեփանակերտում։ Ու այդ ամենի պատճառը՝ չճշտված լուրերի տարածումն ու կառավարման համակարգի խնդիրներն են։
Սիրելի ընկերներ, ուրեմն ասեմ, իմացեք՝ Շուշիում ամեն բան վերահսկողության տակ է։ Բանակը գործում է ու շատ վստահ է գործում։ Այո, դժվար է։ Այո, թուրքը քաղաքի մոտակայքում է։ Բայց ո՞վ է ասել, որ հեշտ պետք է լինի։ Կարևորը խնդիրը լուծվում է։ Խնդրում եմ փչացած հեռախոս մի աշխատեք ու վստահեք մեր պետականության ամենակայացած ինստիտուտին ու մեր ժողովրդի ամենասիրելի զավակին՝ Հայոց Բանակին։
Լոխ լյավ ա ինյական ?»։
