Քրիստինա Ագիլերան նոր օծանելիք է թողարկել
Երգչուհի Քրիստինա Ագիլերան նոր օծանելիք է թողարկել: Վերջին շրջանում համացանցյան հասարակության և աշխարհի լրատվամիջոցների ուշադրության կենտրոնում էր առավել գիրացած երգչուհին: Թեև նա հպարտանում է իր մարմնի նոր չափերով, սակայն նոր օծանելիքի գովազդային հոլովակում երգչուհու մարմնի փոքր հատված է երևում:
Ռեժիսորը փորձել է երգչուհու մարմնի փոքր հատվածները ցուցադրելով` ստանալ գրավիչ, հետաքրքիր տեսահոլովակ: Լրատվամիջոցներից մեկին տված հարցազրույցում երգչուհին նշել է, որ գրավիչ բույրն այն աքսեսուարն է, որը կարելի է հագնել ամեն անգամ տանից դուրս գալիս: Դժվար կլինի երգչուհու հետ չհամաձայնել, եթե հաշվի առնենք նաև այն հանգամանքը, որ երգչուհին պարֆյումի բիզնեսում բավական ճանաչված է. Ագիլերան օծանելիք սկսել է թողարկել դեռ 2007թ.: Նա «Քրիստինա Ագիլերա» բրենդով թողարկել է 10 տեսակի պարֆյում: Այս մասին տեղեկացնում է spletnik.ru-ն:
