«Ես չեմ նախանձում «Լիվերպուլին» և «Սիթիին», բայց մենք այդպիսի կազմ չենք կարող ունենալ». Մոուրինիո
«Տոտենհեմի» գլխավոր մարզիչ Ժոզե Մոուրինիոն ակումբի կազմը համեմատել է Պրեմիեր լիգայի մրցակիցների հետ:
«Մենք չենք կարող ունենալ այնպիսի կազմ, ինչպես մյուս թիմերը: Սա մեր մասին չէ:
Ես դիտում էի «Մանչեսթեր Սիթիի» հանդիպումը («Ասթոն Վիլլայի» հետ) և նայեցի պահեստայինների նստարանին. Սթերլինգ, Բերնարդու Սիլվա, Գյունդողան, Օտամենդի: Հասկանո՞ւմ եք:
«Լիվերպուլը», դուք տեսնում եք նրանց կազմը, նրանց պահեստայինների նստարանը, չնայած այն բանին, որ Մատիպը, Լովրենը, Կեյտան և Ֆաբինյոն վնասվածք ունեն:
Ես չեմ նախանձում, ես հրաշալի աշխատանք ունեմ, բայց նրանք այլ աշխատանք ունեն: Այստեղ ուրիշ ակումբ է»,- Մոուրինիոյին է մեջբերում Sky Sports-ը:
Պատրաստեց Անի Գաբուզյանը
