Պատգամավորը դիմել է Նիկոլ Փաշինյանին, որպեսզի թաղման նպաստի գումարը բարձրացվի
Ազգային ժողովի «Լուսավոր Հայաստան» խմբակցության անդամ Սարիկ Մինասյանն առաջարկում է բարձրացնել պետության կողմից տրամադրվող թաղման նպաստի գումարի չափը: Պատգամավորն իր էջում գրել է, որ այսպիսի առաջարկով դիմել է ՀՀ վարչապետ Նիկոլ Փաշինյանին:
«Առաջարկով դիմել եմ ՀՀ վարչապետին` վերանայել կենսաթոշակառույի մահվան դեպքում պետության կողմից տրամադրվող միանվագ նպաստի գումարի չափը, որը 2010թ. մինչ օրս կազմում է 200.000 ՀՀ դրամ»,- գրել է Մինասյանը:
Նա առաջարկում է պետության կողմից տրամադրվող թաղման նպաստի գումարի նոր չափ սահմանել, որը կկազմի նվազագույնը 250.000 դրամ:
Սիրելի՛ քաղաքացիներ, Այսօր առաջարկով դիմել եմ ՀՀ վարչապետին վերանայել կենսաթոշակառույի մահվան դեպքում պետության կողմից տրամադրվող միանվագ նպաստի գումարի չափը, որը 2010թվ մինչ օրս կազմում է 200000ՀՀ դրամ։
Gepostet von Sarik Minasyan am Mittwoch, 20. November 2019
