Սևանա լճում քաղաքացի է ջրահեղձ եղել (լրացված)
Օգոստոսի 12-ին, ժամը 13:23-ին «911» ծառայությանն ահազանգ է ստացվել, որ Սևանա լճի «Լագունա» լողափի մոտ քաղաքացիներ են ջրահեղձ եղել. անհրաժեշտ է փրկարարների օգնությունը:
Դեպքի վայր են մեկնել ԱԻՆ ՓԾ հատուկ ջրափրկարարական ջոկատից մեկ մարտական հաշվարկ և երկու մոտորանավակ:
Մինչ ջրափրկարարների՝ դեպքի վայր հասնելը քաղաքացիներից մեկը (13 տարեկան) ջրից դուրս է բերվել քաղաքացիների ուժերով:
Ջրափրկարարները «Լագունա» լողափին հարակից ափից՝ մոտ 100 մ հեռավորությունից և մոտ 2 մ խորությունից, ջրից դուրս են բերել Սարգիս Բ.-ի (ծնված 1993 թ.) դին:
