«Ես տառապում էի անհանգստությունից և դեպրեսիայից». Ֆելփսը խոստովանել է, որ ցանկացել է ինքնասպան լինել

Ամերիկացի լողորդ Մայքլ Ֆելփսը պատմել է, որ դիմել է հոգեթերապևտի օգնությանը:

«Ես տառապում էի անհանգստությունից և դեպրեսիայից և մտածում էի՝ արդյո՞ք ցանկանում եմ շարունակել ապրել:

Երբ ես հասա այդ վիճակին, որոշեցի դիմել որակավորված մասնագետի օգնությանը:

Այդ որոշումը վերջնական արդյունքում փրկեց իմ կյանքը: Պետք չէ սպասել մինչև այդ ամենին կհասնի»,- գրել է Ֆելփսը Թվիթերում:

Ֆեփլսը 23 անգամ դարձել է օլիմպիական չեմպիոն և Օլիմպիական խաղերի պատմության մեջ պարգևների քանակով (28) բացարձակ ռեկորդակիր է:

Մանկության տարիներին Ֆելփսն ուներ ուշադրության պակասի և հիպերակտիվության համախտանիշ:

Պատրաստեց Անի Գաբուզյանը