Լրագրող Վասիլի Ուտկինը չի մեկնի Ադրբեջան՝ ի աջակցություն Մխիթարյանի
Ռուս հայտնի մարզական մեկնաբան Վասիլի Ուտկինը նշել է, որ չի մեկնելու «Արսենալի» և «Չելսիի» միջև կայանալիք Եվրոպայի լիգայի եզրափակչին, քանի որ բարկացած է Հենրիխ Մխիթարյանի՝ Բաքու չմեկնելու փաստից:
«Ես խորապես հիասթափված եմ Հենրիխ Մխիթարյանի շուրջ ստեղծված իրավիճակից: Ես հանձնեցի ինքնաթիռի տոմսերը, բայց ես կպահեմ տոմսը՝ ստորության ու իդիոտիզմի վրա հիմնված դեպքի մասին հիշողություններ պահելու համար»,- գրել է Ուտկինը Twitter-ում:
Ավելի վաղ Ուտկինն ասել էր, որ, եթե Ադրբեջանը ցանկանում է կազմակերպել համաշխարհային մակարդակի նման միջոցառում, ապա պետք է ունենա մեծ պատասխանատվություն:
«Եթե Ադրբեջանը նման մակարդակի միջոցների համար է պայքարում, ուրեմն պետք է պատասխանատու լինի ու ապահովի բոլոր նորմերը, էլ չխոսենք անվտանգության մասին: Իսկ եթե, օրինակ, խաղի տեսուչը նշանակվի հայ, օրինակ՝ ֆրանսահայ: Եթե նման դեպքերում դուք չեք կարողանալու ապահովել անվտանգությունը, ուրեմն դուք չպետք է նման մեծ միջոցառումների պատասխանատվությունը ստանձնեք: Սա զվարճանքի ոլորտ է, չես կարող, մի արա»,- ասել էր Ուտկինը:
Սիրարփի Աղաբաբյան
