Բռնցքամարտի ֆեդերացիան մեղադրում է ՀԱՕԿ-ին և նախարարությանը պաշտոնական դիրքի չարահաշման մեջ
Հայաստանի բռնցքամարտի ֆեդերացիան մեղադրում է ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյանին և ՀԱՕԿ գլխավոր քարտուղար Հրաչյա Ռոստոմյանին պաշտոնական դիրքի չարաշահման մեջ:
Ֆեդերացիան հաղորդագրություն է տարածել, որում մասնավորպես ասված է. «Սպորտի եւ երիտասարդության հարցերի նախարարի պաշտոնակատար Ղազարյանը հրավիրել էր խորհրդակցության ազգային հավաքականի գլխավոր մարզիչ Ռուդիկ Մկրտչյանին եւ երիտասարդների հավաքականի ավագ մարզիչ Կարեն Աղամալյանին ,որտեղ ներկա էր Հրաչյա Ռոստոմյանը։
Մեր մարզիչներին Ռոստոմյանը հորդորել է, որպեսզի Եվրոպական խաղերի մասնակցող թիմի մեջ ներառենք բռնցքամարտիկների, որոնք ազգային հավաքականի անդամ չեն եւ առնվազն վերջին 2 տարին չեն մասնակցել ոչ մի լուրջ մրցաշար ի եւ արդյունքներ չեն գրանցել։ Իրենց կամքը չկատարելու դեպքում խոստացել են չֆինանսավորել մեր մարզիկներին, որպեսզի նրանք մասնակցեն Եվրոպական խաղերին։ Սա ակնհայտ պաշտոնական դիրքի չարահաշում է։ Հարգելի պաշտոնյաներ Ձեզ հեռու պահեք բռնցքամարտից եւ մի փորձեք միջամտել մարզիչների աշխատանքին»:
