Հովունի գյուղի անասնագոմերից մեկում բռնկված հրդեհի հետևանքով երեք աշխատողներ բուժօգնության է դիմել
ՀՀ արտակարգ իրավիճակների նախարարության «911» ծառայությունը մայիսի 1-ին, ժամը 22:43-ին ահազանգ է ստացել, որ հրդեհ է բռնկվել Շիրակի մարզի Հովունի գյուղի անասնագոմերից մեկում:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի չորս մարտական հաշվարկ:
Պարզվել է, որ հրդեհը բռնկվել է Հովունի գյուղի 5-րդ նրբանցքի թիվ 1/3 հասցեում գտնվող անասնագոմում (մոտ 1400 քմ):
Հրշեջ-փրկարարները գյուղացիների հետ համատեղ անասնագոմից դուրս են բերել 80 խոշոր եղջերավոր անասուն:
Անասնագոմի աշխատակիցներ Մ.Մ.-ն (ծնված 1975թ.), Գ.Գ.-ն (ծնված 1999թ.) և Լ.Գ.-ն (ծնված 2000թ.) հոսպիտալացվել են Գյումրու բժշկական կենտրոն, որտեղ ստանալով համապատասխան բուժօգնություն՝ դուրս են գրվել:
Հրդեհը մեկուսացվել է ժամը 02:10-ին, մարվել՝ 18:12-ին:
Այրվել են անասնագոմի տանիքի փայտյա կառուցատարրերը (մոտ 20 քմ) և անասնագոմում պահեստավորած անասնակեր (մոտ 3500 հակ):
