Ահազանգ. քաղաքացին մեքենան թողել է ՃՈ հենակետի մոտ և գնացել անհայտ ուղղությամբ
Հոկտեմբերի 9-ին՝ ժամը 21։37-ին, «911» ծառայությանը տեղեկություն է հաղորդվել, որ Գեղարքունիքի մարզի Վարսեր գյուղի բնակիչ Ն. Կ.-ն (1970 թ.) իր վարած «ԳԱԶ 52» մակնիշի առանց պետհամարանիշի ավտոմեքենան թողել է ճանապարհին՝ ՃՈ հենակետի մոտակայքում, գնացել է անհայտ ուղղությամբ և չի պատասխանում հեռախոսազանգին։
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատի օպերատիվ խումբը:
Որոնողական աշխատանքներին նաև մասնակցում են ոստիկանության Սևանի բաժնի օպերատիվ խումբը և Վարսեր գյուղի բնակիչներ։
Ժամը 23:17-ին փրկարարները Ն. Կ.-ին հայտնաբերել են Վարսեր գյուղի 1-ին փողոցի թիվ 99 տան տանիքում. Ն. Կ.-ն գտնվել է ոչ սթափ վիճակում:
