600 անօդաչու թռչող սարքերի հարձակումը հանգեցրել է Մոսկվայի երեք օդանավակայանների աշխատանքի դադարեցմանը
Վնուկովո, Դոմոդեդովո և Ժուկովսկի օդանավակայանները վերսկսել են օդանավերի ընդունումն ու բացթողումը այն բանից հետո, երբ հանվել են ժամանակավոր սահմանափակումները, որոնք գիշերը մտցվել էին Մոսկվայի վրա անօդաչու թռչող սարքերի զանգվածային հարձակման պատճառով, հայտնում է Ռոսավիացիան։
Սահմանափակումները գործել են գրեթե չորս ժամ։ Թռիչքների մի մասը վերահասցեավորվել է այլ քաղաքների օդանավակայաններ։
Մոսկվայի քաղաքապետ Սերգեյ Սոբյանինը հայտնել է, որ օգոստոսի 15-ի երեկոյից դեպի Մոսկվա և Մոսկվայի մարզ էին թռչում մոտ 600 անօդաչու թռչող սարքեր։ ՄԿԱԴ-ի շրջանում բեկորների ընկնելու հետևանքով տուժել է երեք մարդ, նրանց ցուցաբերվում է բժշկական օգնություն։
Անօդաչու թռչող սարքերի և դրանց բեկորների ընկնելու վայրերում աշխատում են արտակարգ ծառայությունները։
