Զելենսկին Վատիկանում Թրամփի հետ 15-րոպեանոց զրույցը բեկումնային պահ է անվանել
Ուկրաինայի նախագահ Վլադիմիր Զելենսկին հայտարարել է, որ Վատիկանում ԱՄՆ նախագահ Դոնալդ Թրամփի հետ կարճատև հանդիպումը բեկումնային պահ է դարձել իրենց հարաբերություններում՝ 2025 թվականի փետրվարին Սպիտակ տան Օվալաձև աշխատասենյակում անցկացված հանդիպման ժամանակ ի հայ եկած տարաձայնություններից հետո: Նրա խոսքերը հուլիսի 24-ին մեջբերում է «Общественное» պարբերականը:
«Ես շատ ուրախ էի լսել նրան: Նա ինձ լսեց, և ես էլ լսեցի նրան»,- ասել է Ուկրաինայի նախագահը:
Ուկրաինայի և ԱՄՆ-ի առաջնորդների միջև հարաբերությունները բարդացել էին 2025 թվականի փետրվարին Սպիտակ տանը անցկացված հանդիպումից հետո, որն ուղեկցվել էր հրապարակային տարաձայնություններով: Զելենսկու բնորշմամբ՝ Վատիկանում տեղի ունեցած զրույցը կարևոր փուլ է դարձել երկու նախագահների միջև շփումների կարգավորման գործում:
