Նույնիսկ մեր երկրի դաժան իրողությունների պայմաններում մտքովս չէր անցնի, որ մարդկային տեսակը, հայը, կռիվ կսկսի իր պատմության, իր արժանապատվության և իր հերոսների դեմ․ Տիգրան Աբրահամյան
ԱԺ պատգամավոր Տիգրան Աբրահամյանը գրում է․
«Հայկազ Մկրտչյանի այս լուսանկարը նախորդ տարի՝ դեկտեմբերի 12-ին եմ արել։ Առհասարակ, քաղաքում հաճախ եմ լուսանկարում տարբեր վայրերում, շենքերի վրա պատկերված մեր հերոսների նկարները։
Յուրաքանչյուր լուսանկար իր մեջ մի սխրանք, պայքարի դրվագ, մարդկային խելահեղ ճակատագիր է պարունակում:
Նույնիսկ մեր երկրի դաժան իրողությունների պայմաններում մտքովս չէր անցնի, որ մարդկային տեսակը, հայը, կռիվ կսկսի իր պատմության, իր արժանապատվության և իր հերոսների դեմ։
Բայց ինչ արած, մեզ առաջադրվել է մարտահրավեր, և սրան պետք է միահամուռ հակազդել։
Հ.Գ. Սրանց մեր պատմությունը խմբագրել չի հաջողվի։ Կհաջողվի միայն մի բան՝ պատմության փոշոտ դարակներում սեփական ոչնչությունն ամրագրել»։
