ԱՄՆ պետքարտուղարը նշել է Իրանի հետ տեխնիկական բանակցությունների վերսկսման մոտավոր ամսաթիվը
ԱՄՆ-ի և Իրանի միջև համաձայնագրի մանրամասների շուրջ տեխնիկական բանակցությունները կվերսկսվեն ամսվա վերջին։ Դրա մասին հայտնել է ԱՄՆ պետքարտուղար Մարկո Ռուբիոն, հաղորդում է Reuters գործակալությունը։
Քուվեյթում լրագրողների հետ զրույցում՝ նախքան Բահրեյն թռչելը, նա հայտարարել է, որ աշխատանքային տեխնիկական խմբերը կշարունակեն խորհրդակցությունները «ամսվա վերջին»՝ ենթադրաբար հունիսի 29-ին կամ 30-ին։ Ըստ նրա՝ բանակցություններն ընթանում են մի քանի ուղղություններով, իսկ խմբերն իրենք բաժանված են ըստ թեմատիկ բլոկների։
Ռուբիոն նշել է նաև, որ շփումների հաջորդ փուլերը, ըստ ամենայնի, դարձյալ կանցկացվեն Շվեյցարիայում։ Միաժամանակ, նա հստակեցրել է, որ անձամբ չի մասնակցելու այդ տեխնիկական քննարկումներին։
«Մենք չենք ձեռնարկի ոչինչ, ինչը կխաթարի տարածաշրջանում մեր դաշնակիցների անվտանգությունը»,- ընդգծել է նա՝ հավելելով, որ ԱՄՆ-ը ձգտում է համակարգման Պարսից ծոցի իր գործընկերների հետ և Թեհրանի հետ համաձայնագրի շուրջ աշխատելիս հաշվի է առնում նրանց մտահոգությունները։
