Թրամփն այլևս Մելոնիին իր համակիրը չի համարում Հորմուզի նեղուցի վերաբերյալ դիրքորոշման պատճառով
ԱՄՆ նախագահ Դոնալդ Թրամփը հայտարարել է, որ այլևս չի դիտարկում Իտալիայի վարչապետ Ջորջա Մելոնիին որպես իր քաղաքական համակիր՝ Հորմուզի նեղուցի հարցում վերջինիս ունեցած դիրքորոշման պատճառով։
Դրա մասին Սպիտակ տանն առընթեր NBC News-ի լրագրող Գեյբ Գուտիերեսը հայտնել է X սոցիալական ցանցում՝ հղում անելով ամերիկյան առաջնորդի հետ ունեցած հեռախոսազրույցին։ Նա նշել է, որ Թրամփը հայտարարել է, թե չի ցանկանում Մելոնիին տեսնել իր համակիրների թվում, քանի որ նա, ինչպես ինքն է պնդում, չի պաշտպանել ԱՄՆ դիրքորոշումը ՆԱՏՕ-ի շրջանակում անցկացված քննարկումների ժամանակ, որոնք կապված էին Հորմուզի նեղուցի շրջանում տիրող իրավիճակի հետ։
Ավելի վաղ Թրամփը պնդել էր նաև, թե Ֆրանսիայում G7 գագաթնաժողովի ժամանակ Մելոնին իբր «աղաչում էր իրեն համատեղ լուսանկարվելու համար»։ Իտալիայի վարչապետն ավելի ուշ այս հայտարարություններն անվանել էր «ամբողջությամբ հորինված»։
