Պուտին․ Կարևոր է միավորել կառուցողական ուժերը բազմաբևեռ աշխարհի կառուցման համար
Ռուսաստանի նախագահ Վլադիմիր Պուտինը Մոսկվայում անցկացված «Միջազգային հակաֆաշիստական ֆորում» միջոցառման մասնակիցներին ուղղված իր ուղերձում հայտարարել է «արդար, ժողովրդավարական, բազմաբևեռ աշխարհի կառուցման համար կառուցողական ուժերի միավորման» կարևորության մասին։ ՌԴ նախագահի ուղերձը հրապարակվել է Կրեմլի կայքում։
«Այսօր, երբ մենք բախվում ենք լուրջ մարտահրավերների, տարածաշրջանային հակամարտությունների, աճող գլոբալ անկայունության, կարևոր է միավորել բոլոր կառուցողական ուժերի աշխատանքը՝ արդար, ժողովրդավարական, բազմաբևեռ աշխարհի կառուցման համար։ Միասին հակազդել մոլորակում կործանարար գաղափարախոսությունների տարածմանը՝ քսենոֆոբիայի, նեոնացիզմի, հակասեմականության, ռուսաֆոբիայի։
Պաշտպանել Երկրորդ համաշխարհային պատերազմի մասին պատմական ճշմարտությունը, Եվրոպայի ժողովուրդներին բնաջնջումից և ստրկացումից փրկած իրական հերոսների մասին ճշմարտությունը։ Սա մեր պարտքն է ապագա սերունդների առաջ, ժողովուրդների միջև իսկապես գործընկերային հարաբերությունների ամուր հիմքը», – նշել է Պուտինը։
