Լիտվայում ուկրաինական մարտական անօդաչու թռչող սարք է ընկել
Մարտական անօդաչու թռչող սարքը (ԱԹՍ), որն ընկել է Լիտվայի տարածքում, ենթադրաբար, արձակվել է Ուկրաինայի կողմից: Այդ մասին հաղորդել է Լիտվայի ճգնաժամային կառավարման ազգային կենտրոնը։
«Նախնական տվյալների համաձայն, այն, ինչ տեսնում ենք բեկորներից, ամենայն հավանականությամբ, ուկրաինական անօդաչու թռչող սարք է», – լրագրողներին հայտարարել է կենտրոնի տնօրեն Վիլմանտաս Վիտկաուսկասը։
Անօդաչու թռչող սարքը ոչնչացվել է դաշտում: Պատահարի վայրում աշխատում են հատուկ ծառայությունները:
Լիտվայի նախագահ Գիտանաս Նաուսեդան հայտարարել է, որ իր երկիրն անընդունելի է համարում ցանկացած այլ երկրի կողմից իր օդային տարածքի օգտագործումը պատերազմական նպատակներով՝ ընդգծելով, որ բոլոր օտար ԱԹՍ-ները խոցվելու են։
