Հակակոռուպցիոն կոմիտեն խուզարկություններ է իրականացնում «Ուժեղ Հայաստանի» գրասենյակներում
Հակակոռուպցիոն կոմիտեն այս պահին «Ուժեղ Հայաստան» դաշինքի Շիրակի մարզի գրասենյակների մի շարք հասցեներում խուզարկություններ է իրականացնում։ Տեղեկությունը Sputnik Արմենիային հայտնել են Հակակոռուպցիոն կոմիտեից։
Ըստ լրատվամիջոցների ՝ խուզարկություններն իրականացվում են Անի համայնքում, մասնավորապես՝ Մարալիկում, կան բերման ենթարկվածներ ու ձերբակալվածներ։
«Հաստատում ենք, որ նշված հասցեներում քննչական գործողություններն իրականացվում են ընտրակաշառք տալու, ստանալու և Քրեական օրենսգրքի մի շարք այլ հոդվածներով Հակակոռուպցիոն կոմիտեում նախաձեռնված քրեական վարույթի շրջանակներում»,- հայտնել են կոմիտեից։
Կառույցից ընդգծել են, որ անհրաժեշտության դեպքում կտրվի լրացուցիչ տեղեկություն։
