Վրաստանը 52.3 միլիոն դոլարի եկամուտ է ստացել գինու արտահանումից

Այս տարի Վրաստանն արտահանել է 52,3 մլն ԱՄՆ դոլար արժողությամբ 17 հազար 138 տոննա գինի, ինչը նախորդ տարվա նույն ժամանակահատվածի համեմատ արժեքային արտահայտությամբ աճել է 5,5%-ով, իսկ քանակով՝ 3,6%-ով։ Այս մասին գրում է aliq.ge-ն։

Պաշտոնական վիճակագրության համաձայն՝ հիմնական սպառման շուկան շարունակում է մնալ Ռուսաստանը, որին 2026 թվականի հունվար-մարտ ամիսների տվյալներով բաժին է ընկնում վաճառքի ավելի քան 62%-ը։ Միաժամանակ, արտահանման շուկաների վարկանիշում գինու փոխադրումները նվազել են դեպի Լեհաստան, Ուկրաինա, Չինաստան, Ղազախստան և ԱՄՆ, իսկ Ռուսաստանում, Գերմանիայում, Բելառուսում, Լատվիայում և Լիտվայում՝ աճել։

1 լիտր վրացական արտահանվող գինու միջին գինն այս տարվա առաջին եռամսյակում կազմել է 3,05 ԱՄՆ դոլար, մինչդեռ նախորդ տարվա նույն ժամանակահատվածում 2 դոլար էր։

2026 թվականի I եռամսյակի գինու արտահանման երկրներն ու գներն ըստ ուղղությունների.

• Ռուսաստան — 32,6 մլն ԱՄՆ դոլար, 11 հազար 140 տոննա

• Լեհաստան — 4,1 մլն ԱՄՆ դոլար, 1619 տոննա

• Ուկրաինա — 2,7 մլն ԱՄՆ դոլար, 983 տոննա

• Չինաստան — 2,0 մլն ԱՄՆ դոլար, 758 տոննա

• Գերմանիա — 1,6 մլն ԱՄՆ դոլար, 374 տոննա

• Ղազախստան — 1,1 մլն ԱՄՆ դոլար, 344 տոննա

• Բելառուս — 1,1 մլն ԱՄՆ դոլար, 416 տոննա

• Լատվիա — 1,1 մլն ԱՄՆ դոլար, 300 տոննա

• ԱՄՆ — 1,0 մլն ԱՄՆ դոլար, 180 տոննա

• Լիտվա — 0,6 մլն ԱՄՆ դոլար, 172 տոննա։