Այրվել է Նյու Յորքի ամենահին եկեղեցին, տուժել է 6 փրկարար
Նյու Յորքի դատարկ շենքերից մեկում բռնկված հրդեհի պատճառով այրվել է 19-րդ դարի եկեղեցին, որը գտնվում է մոտակայքում: Այս մասին հայտնում է ABC հեռուստաալիքը։
Նյու Յորքի հրշեջ ծառայության տվյալով՝ հրդեհը բռնկվել է ապրիլի 23-ին՝ ժամը 18:45-ի սահմաններում (տեղական ժամանակով), հոգևորականների համար նախատեսված երկհարկանի կառույցում, այնուհետև տարածվել է դեպի եկեղեցի (երկուսն էլ կառուցվել են ավելի քան 100 տարի առաջ):
Պաշտոնական տվյալներով՝ հրդեհի մարման աշխատանքներին մասնակցել են հրշեջ եւ շտապ բժշկական ծառայության 270 աշխատակիցներ, տուժել է 6 փրկարար, հրշեջներից մեկը լուրջ վնասվածքներ է ստացել տանիքի փլուզման հետևանքով:
Իրավապահները պարզում են հրդեհի պատճառները։
