Որքան են վաստակում Վրաստանում բարձրաստիճան պաշտոնյաները
Վրաստանում բարձրաստիճան քաղաքական պաշտոնյաների աշխատավարձը 50 կամ ավելի անգամ բարձր է կենսաապահովման նվազագույն աշխատավարձ համարվող 284 լարիից, իսկ կենսաթոշակից՝ 40 կամ ավելի անգամ։ Այս մասին գրում է aliq.ge-ն։
Վերջին տարիներին «Վրացական երազանք» կուսակցությունն ընդունել է օրենք, ըստ որի` ամեն տարի բարձրանում է բարձրաստիճան պաշտոնյաների աշխատավարձը։ Միայն այս տարի վարչապետի, նախագահի և խորհրդարանի խոսնակի աշխատավարձը բարձրացել է 1400 լարիով՝ հասնելով 16 հազար լարիի։
Ամենաբարձր աշխատավարձը (ամսական 16 հազար լարի) բյուջեից ստանում են՝
- Վարչապետ Իրակլի Կոբախիձեն,
- Նախագահ Միխեիլ Կղավելաշվիլին,
- Խորհրդարանի խոսնակ Շալվա Պապուաշվիլին,
- Սահմանադրական դատարանի նախագահ Ռևազ Նադարաիան,
- Գերագույն դատարանի նախագահ Նինո Կադագիձեն։
Համեմատաբար ավելի քիչ՝
- Նախարարներ,
- Նրանց տեղակալներ,
- Խորհրդարանի փոխնախագահ,
- Խորհրդարանական խմբակցությունների նախագահներ,
- Պատգամավորներ։
Ավելի կոնկրետ`
- Նախագահ` 16 հազար լարի,
- Վարչապետ` 16 հազար լարի,
- Նախարար` 16 հազար լարի,
- Նախարարի առաջին տեղակալ 13 հազար 600 լարի,
- Փոխնախարար` 11 հազար 600 լարի,
- Խորհրդարանի նախագահ` 16 հազար լարի,
- Խորհրդարանի փոխնախագահ` 14 հազար 400 լարի,
- Խմբակցության (ֆրակցիայի) նախագահ` 13 հազար 600 լարի,
- Պատգամավոր` 12 հազար 800 լարի:
