Իսրայելի ինքնապաշտպանnւթյան իրավունքը չի արդարացնում Լիբանանում նման մաuշտաբային ավերածnւթյnւնները․ Կալլաս
Իսրայելի ինքնապաշտպանության իրավունքը չի արդարացնում Լիբանանում նման մասշտաբային ավերածությունները։ Այս մասին X-ի էջում գրել է Եվրադիվանագիտության ղեկավար Կայա Կալլասը։
«Հեզբոլլահը ներքաշել է Լիբանանին հակամարտության մեջ, սակայն Իսրայելի ինքնապաշտպանության իրավունքը չի արդարացնում նման մասշտաբային ավերածությունները։ Իսրայելի հարվածները նախորդ գիշեր հարյուրավոր մարդկանց կյանք են խլել. դժվար է փաստարկել, որ նման կոշտ գործողությունները տեղավորվում են ինքնապաշտպանության սահմաններում։ Իսրայելի գործողությունները լուրջ լարվածության տակ են դնում Իրանի և ԱՄՆ-ի միջև հրադադարը, որը պետք է տարածվի նաև Լիբանանի վրա»,- գրել է նա։
Կալլասը նաև հայտնել է, որ ԵՄ-ն աջակցում է Լիբանանի ջանքերին՝ ուղղված Հեզբոլլահի զինաթափմանը։
«Հեզբոլլահը պետք է զինաթափվի, ինչպես որ համաձայնել է անել։ ԵՄ-ն աջակցում է Լիբանանի ջանքերին՝ ուղղված Հեզբոլլահի զինաթափմանը»,- գրել է Կալլասը։
