Ինչպե՞ս կարող է փոխվել TRIPP նախագիծը՝ Իրանի դեմ պատերազմի ֆոնին. պարզաբանում են մասնագետները
Իրանի դեմ ԱՄՆ-Իսրայել պատերազմի և Հարավային Կովկասում դրա հետևանքների շուրջ քննարկման ընթացքում «Ապրի Արմենիա» (APRI Armenia) վերլուծական կենտրոնի գիտաշխատողներն անդրադարձան TRIPP նախագծի վրա այս պատերազմի ազդեցությանը:
Կենտրոնի փորձագետ, պատմական գիտությունների թեկնածու, միջազգայնագետ, իսրայելագետ Սերգեյ Մելքոնյանը երկու ձևաչափի վրա ուշադրություն հրավիրեց:
«Առաջինը, որ TRIPP նախագիծը կարող է հետաձգվել, որովհետև ռիսկերն են շատ, երկրորդ՝ ինչ-որ մի ձև փոխվի այն, եթե չգիտենք, թե ինչպիսի իրավիճակ կլինի Իրանում: Հետաձգվելու մասին արդեն պաշտոնյաներն ասել են, որ ԱՄՆ կողմից հետաքրքրությունը նվազում է, հետևաբար՝ կարող է հետաձգվել նախագիծը: Իսկ թե ինչպես կարող է փոխվել նախագիծը, այստեղ մի քանի խնդիր կա. առաջին՝ ինչ վիճակ կլինի Իրանում, եթե մնում է գործող իշխանությունը, և ինչ-որ պայմանավորվածության են հասնում ԱՄՆ-ի հետ, երկրորդ՝ եթե Իրանում ինչ-որ քաոս ստեղծվի»,- մանրամասնեց նա՝ չբացառելով, որ Իրան-ԱՄՆ պայմանավորվածություն կարող է լինել, և TRIPP-ն իրականանա, բայց հաշվի առնելով Իրանի կողմից մտահոգությունները:
Իր հերթին՝ քաղաքագետ Բենիամին Պողոսյանը հավելեց, որ մենք այնպիսի իրավիճակում չէինք, որ արդեն հստակ որոշված էր՝ 2026 թվականին մայիսի 1-ին սկսվում է երկաթուղու շինարարությունը:
«Հայաստանը և ԱՄՆ-ը բավականին բարդ իրավաբանական գործընթացի մեջ են»,- շեշտեց նա:
Մանրամասները՝ տեսանյութում
