Հռոմի պապն աղոթել է Իրանում ու Մերձավոր Արևելքում խաղաղության համար
Հռոմի պապ Լևոն XIV-ը մարտի 11-ին Սուրբ Պետրոսի հրապարակում հավաքված հավատացյալների հետ աղոթել է Իրանում ու ամբողջ Մերձավոր Արևելքի տարածաշրջանում խաղաղության հաստատման համար։ Այս մասին հայտնում է Reuters-ը։
«Եկեք աղոթենք Իրանում և ամբողջ Մերձավոր Արևելքում խաղաղության համար, հատկապես մեծ թվով քաղաքացիական զոհերի, այդ թվում և անմեղ երեխաների համար»,- ասել է կաթոլիկների հոգևոր առաջնորդը։
