Ռուսաստանը կարող է դառնալ Իրանի և ԱՄՆ-ի միջև բանակցությունների մոդերատոր. փորձագետ
Ռուսաստանը կարող է դառնալ Իրանի և ԱՄՆ-ի միջև բանակցությունների մոդերատոր՝ Մերձավոր Արևելքում հակամարտության երկու կողմերի հետ իր կայուն հարաբերությունների շնորհիվ: Նման կարծիք РИА Новости-ի հետ զրույցում արտահայտել է Ռուսաստանի գիտությունների ակադեմիայի անվտանգության հետազոտությունների կենտրոնի առաջատար գիտաշխատող, ամերիկագիտության մասնագետ-քաղաքագետ Կոնստանտին Բլոխինը։
Երկուշաբթի երեկոյան Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույց են ունեցել, որից հետո Թրամփը հայտարարել է Պուտինի՝ Մերձավոր Արևելքում իրավիճակի կարգավորմանը նպաստելու ցանկության մասին։
«Ռուսաստանը որոշ առումներով եզակի է։ Մենք ռազմավարական գործընկերություն ունենք Իրանի հետ, այն մեր դաշնակիցն է։ Եվ մենք ավելի կամ պակաս կայուն հարաբերություններ ունենք Միացյալ Նահանգների հետ։ Հետևաբար, այստեղ (Մերձավոր Արևելքում հակամարտության լուծման գործում – խմբ.) մենք կարող ենք լինել այս բանակցային գործընթացի մոդերատորները»,- հայտարարել է Բլոխինը։
Գործակալության զրուցակիցը նշել է, որ որպես միջնորդ՝ Ռուսաստանը կարող է հարթակ առաջարկել բանակցային գործընթացի համար և նաև Իրանի դիրքորոշումը փոխանցել ամերիկացիներին։
