Ընդմիջումից հետո Ժնևում վերսկսվել են Իրանի և ԱՄՆ-ի միջև բանակցությունները
Ժնևում չորսժամյա ընդմիջումից հետո վերսկսվել են Իրանի միջուկային ծրագրի շուրջ Վաշինգտոնի և Թեհրանի միջև բանակցությունները. ինչպես փոխանցում է ՏԱՍՍ-ը, այս մասին հայտնել է իրանական ISNA լրատվական գործակալությունը։
«Իրան-ԱՄՆ բանակցությունները, որոնք ընդմիջվել էին՝ պատվիրակությունների կողմից իրենց երկրների իշխանությունների հետ խորհրդակցությունների համար, վերսկսվել են», – նշել է լրատվամիջոցը։
Նշվում է, որ բանակցություններն ընթանում են Ժնևում՝ Օմանի արտաքին գործերի նախարարի նստավայրում։Բանակցություններում Իրանի պատվիրակությունը գլխավորում է արտաքին գործերի նախարար Աբբաս Արաղչին, իսկ ԱՄՆ պատվիրակությունը՝ ԱՄՆ նախագահի հատուկ դեսպանորդ Սթիվ Ուիթքոֆը։
