««Զանգեզուրի միջանցքը» հզոր նախագիծ է». Թուրքիայի նախկին փոխնախագահը՝ կրթական հաստատություններում
Թուրքիայի նախկին փոխնախագահ, այժմ խորհրդարանի արտաքին հարաբերությունների հանձնաժողովի նախագահ Ֆուաթ Օքթայը Բաքվում այցելել է թուրքական կրթական հաստատություններ։ Այս մասին տեղեկանում ենք «Թուրքիան այսօր» լրատվական ալիքից:
Օքթայը նշել է, որ այսպես կոչված «Զանգեզուրի միջանցքը» հզոր նախագիծ է, որը կնպաստի թե՛ տարածաշրջանային խաղաղությանը, թե՛ զարգացմանը, և միևնույն ժամանակ կարող է միավորել թյուրքական աշխարհը։
Թուրքիայում ոչ միայն չեն դադարում խոսել միջանցքի մասին, այլ նաև բացահայտ ձևակերպում են իրենց երկարաժամկետ ռազմավարական նպատակ։
