Լուվրի տնօրենը հրաժարական է տվել
Լուվրի տնօրեն Լորենս դե Կարը իր հրաժարականի դիմում է ներկայացրել Ֆրանսիայի նախագահ Էմանուել Մակրոնին․ հաղորդում է Franceinfo ռադիոկայանը։
«Լուվրի թանգարանի տնօրեն Լորենս դե Կարը իր հրաժարականի դիմումը ներկայացրել է Էմանուել Մակրոնին երեքշաբթի՝ փետրվարի 24-ին։ Ֆրանսիայի նախագահն ընդունել է նրա հրաժարականը՝ այդ քայլն անվանելով պատասխանատվության դրսևորում», – ասված է հաղորդագրության մեջ։
Դե Կարն արդեն ներկայացրել էր հրաժարականի դիմում 2025 թվականի հոկտեմբերին, սակայն Մակրոնը մերժել էր նրա դիմումը թանգարանում կայանալիք վերականգնման աշխատանքների ֆոնին։
