Ղրղզստանում կստեղծվի քննչական կոմիտե, որը կենթարկվի նախագահին
Մոտ ժամանակներս Ղրղզստանում կստեղծվի Քննչական կոմիտե: Այս մասին Բիշքեկում «Կաբար» պետական լրատվական գործակալությանը տված հարցազրույցում հայտարարել է հանրապետության նախագահ Սադիր Ժապարովը:
«Բոլոր քննությունները կփոխանցվեն նրան», – ասել է նա: Գլխավոր դատախազությունը, ինչպես նաև զինվորական դատախազությունը կշարունակեն հետևել երկրում օրինականության պահպանմանը:
Ժապարովի խոսքով՝ նոր կառույցն անմիջականորեն ենթարկվելու է պետության ղեկավարին:
Նա կարծում է, որ Ղրղզստանում Քննչական կոմիտեի ստեղծումը թույլ կտա ավելի արդյունավետ կերպով ապահովել հանրապետությունում մարդու իրավունքների պաշտպանությունը:
