Հրապարակվել է Ուկրաինայի հետ նոր բանակցություններում ռուսական պատվիրակության կազմը
ԱՄԷ-ում Ուկրաինայի հակամարտության կարգավորման բանակցություններին մասնակցող ռուսական պատվիրակության կազմը մնում է անփոփոխ. այն կգլխավորի Գլխավոր շտաբի գլխավոր վարչության պետ, ծովակալ Իգոր Կոստյուկովը։ Այս մասին, ինչպես հաղորդում է ТАСС-ը, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Սա նույն պատվիրակությունն է, ինչ նախորդ անգամ՝ Կոստյուկովի գլխավորությամբ»,- ասել է Կրեմլի խոսնակը։
Պեսկովը նաև հաստատել է, որ Աբու Դաբիում բանակցությունների հաջորդ փուլը տեղի կունենա փետրվարի 4-5-ը։
