Հայաստանը համաձայնագիր կստորագրի, որը հնարավորություն կտա ճանաչել տեխզննումն արտերկրում
Հայաստանը կմիանա ավտոմեքենաների տեխզննման ստանդարտների մասին միջազգային համաձայնագրին, որը հնարավորություն կտա արտերկրում ճանաչել Հայաստանում կատարված տեխզննումը:
Այսօր կառավարության նիստում «Անվավոր փոխադրամիջոցների պարբերական տեխնիկական զննության մասին» համաձայնագիրը հավանության արժանացավ և ուղարկվեց ՀՀ նախագահի ստորագրմանը:
Համաձայնագրով նախատեսվում է զննման անցկացում միջազգայնորեն ընդունված ստանդարտներով, որոնք ապահովում են մեքենաների համապատասխանությունն անվտանգության հիմնական պահանջներին:
