Փաշինյանի վաղվա միջոցառման մասսովկան կապահովեն նաև գյումրեցիները
Ինչպես երեկ Նիկոլ Փաշինյանը 10 տիրադավների ձեռքով ղազագիրը ստորագրելիս հայտարարել էր, վաղը դեպի Սուրբ Գրիգոր Լուսավորիչ եկեղեցի ՔՊ-ի ղեկավարի առաջնորդությամբ երթ տեղի կունենա։ Այս միջոցառումը Նիկոլ Փաշինյանն անվանել է ուխտերթ։ Դրա մասսովկան ապահովելու համար մոբիլիզացվել է Հանրապետության, այդ թվում` մարզերի ողջ վարչական ռեսուրսը։
Այսպես, 168.am-ի տեղեկություններով` վաղը ձյուն-ձմեռով, Գյումրու ու Շիրակի մարզի ողջ եկեղեցիները թողած` մարզի` պետական ֆինասավորում ունեցող հիմնարկների աշխատակիցներին կբերեն Երևանում մասնակցելու Փաշինյանի գլխավորած միջոցառմանը։ Ավելին՝ Շիրակի` մազից կախված մարզպետ Դավիթ Առուշանյանի աշխատակազմը լծված է մարզի գյուղերից ու քաղաքներից մարդաքանակ ապահովելու ու գազելներով նրանց Երևան տանելու գործին։
Դավիթ Առուշանյանը վստահաբար գիտի` Սուրբ Յոթ Վերքի ֆիասկոյից հետո այս գործը ձախողելը նրան միանշանակ չի ներվի։ Այս գործը հանձն է առել անել մարզպետի` Գոռ անունով օգնականը, ով ժամանակին սկանդալային պատմությունների մեջ է հայտնվել ֆայտոնչի ու պարեկ ծեծելու դրվագներով։
Փաշինյանի ցասմանը չարժանանալու համար մարզերից Երևան մարդ բերելու գործին խառնվել են նաև նախարարությունները:
Մեր տեղեկություններով` քանի որ մարզային բժշկական կենտրոնները գտնվում են Առողջապահության նախարարության ենթակայության ներքո, առողջապահության նախարար Անահիտ Ավանեսյանի անմիջական«դաբրոյով» մի գազել բուժաշխատող կգա նաև «Գյումրի» բժշկական կենտրոնից։
Հանձնարարվել է Նիկոլ Փաշինյանի աջակիցների համար տրանսպորտ ապահովել Երևան գալու համար։
Այնպես որ ամեն ինչ այնպես էլ, ինչպես ամեն անգամ։ Նիկոլ Փաշինյանը վաղուց արդեն կրեատիվության դեֆիցիտ ունի։
