Զելենսկին պատմել է, թե ինչ խնդրանքով է դիմել Թրամփին
ԱՄՆ նախագահ Դոնալդ Թրամփի հետ բանակցությունների ժամանակ Ուկրաինայի նախագահ Վլադիմիր Զելենսկին խնդրել է Կիևի համար մինչև 50 տարի ժամկետով անվտանգության երաշխիքներ տրամադրել: Ուկրաինական Novosti.live հեռուստաալիքը հաղորդել է Ուկրաինայի առաջնորդի խնդրանքի մասին:
«Ես շատ կցանկանայի, որ երաշխիքներն ավելի երկարաժամկետ լինեին: Եվ ես նրան ասացի, որ մենք շատ կցանկանայինք քննարկել [երաշխիքների] 30, 40 կամ 50 տարվա ժամկետի հնարավորությունը»,- հայտարարել է Ուկրաինայի առաջնորդը։
Զելենսկին նաև վստահություն է հայտնել, որ Թրամփը լրջորեն կքննարկի իր խնդրանքը։
