Անթալիան Թուրքիայի զբոսաշրջության ոլորտում 17.5 մլրդ դոլարի ներդրում է ապահովում

«Միջերկրական ծովի զբոսաշրջային հյուրանոցների սեփականատերերի և ղեկավարների» (AKTOB) նախագահ Քաան Քաշիֆ Քավալօղլուն հայտարարել է, որ Անթալիայի ներդրումը Թուրքիայի զբոսաշրջության ոլորտում կազմում է 17.5 միլիարդ դոլար։ Այս մասին տեղեկացնում է ermenihaber.am-ը։

Նրա խոսքով՝ զբոսաշրջության ոլորտում ներդրումների շուրջ 95 տոկոսը իրականացնում է ներքին ռեսուրսներով, իսկ ստացված եկամուտները կրկին շրջանառվում են ոլորտի ներսում:

Քավալօղլուն նշել է, որ Անթալիան լիովին կարելի է բնութագրել որպես զբոսաշրջային քաղաք․ գյուղատնտեսական ապրանքների 40-45%-ը, իսկ արդյունաբերական ապրանքների 15-20%-ը սպասարկում է զբոսաշրջությանը։ Գյուղատնտեսության ընդհանուր ներդրումը գնահատվում է 2.2 մլրդ, իսկ արդյունաբերությանը՝ 500 մլն դոլար։

Նրա խոսքով՝ Անթալիայում գիշերակացի միջին արժեքը հասել է մոտ 110 դոլարի՝ նախորդ տարիների 85–87 դոլարից, սակայն դեռ ժամանակ է հարկավոր՝ հասնելու Ֆրանսիայի և Իսպանիայի 120 դոլար և կամ ավելի գումարով սպասարկման արժեքներին։

Անդրադառնալով փոխարժեքներին՝ Քավալօղլուն հայտարարել է, որ 2026-ի 2-րդ եռամսյակում դոլարի փոխարժեքը պետք է լինի առնվազն 60 լիրա, հակառակ դեպքում ոլորտը դժվարությունների կբախվի։ Նրա խոսքով՝ գնաճի (ինֆլյացիայի) պատճառը միայն փոխարժեքը չէ, մեծ դեր ունեն նաև չպատճառաբանված թանկացումները։