Կրեմլում բացահայտել են ակնկալիքներն ԱՄՆ-ից
Կրեմլը սպասում է, որ Միացյալ Նահանգները կներկայացնի եվրոպական երկրների և Ուկրաինայի հետ հակամարտությունների կարգավորման շուրջ բանակցությունների արդյունքները: Այս մասին, ինչպես հաղորդում է ТАСС-ը, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք սպասում ենք, որ պատրաստ լինելուն պես, մեր ամերիկացի գործընկերները մեզ կտեղեկացնեն ուկրաինացիների և եվրոպացիների հետ իրենց աշխատանքի արդյունքների մասին»,- ընդգծել է Կրեմլի խոսնակը։
Դեկտեմբերի 15-ին Բեռլինում ավարտվեց Ուկրաինայի նախագահ Վլադիմիր Զելենսկիի, ԱՄՆ նախագահի հատուկ դեսպանորդ Սթիվ Ուիթքոֆի և ԱՄՆ նախագահի փեսայի՝ Ջարեդ Քուշների միջև բանակցությունների երկրորդ փուլը։ Հանդիպումը տևել է մոտ երկու ժամ։
