Եվս մեկ երկիր ցանկանում է անդամակցել ՆԱՏՕ-ին՝ «ռուսական սպառնալիքի» պատրվակով
Իռլանդիայի Հանրապետությունը դիտարկում է ՆԱՏՕ-ին միանալու հնարավորությունը ենթադրյալ «ռուսական սպառնալիքի» պատրվակով: Այս մասին հաղորդում է Euractiv պորտալը։
Նշվում է, որ երկրի օդային տարածքում անհայտ անօդաչու թռչող սարքերի հայտնվելը հանրային քննարկումներ է առաջացրել Իռլանդիայի չեզոքության և Հյուսիսատլանտյան դաշինքին միանալու նպատակահարմարության վերաբերյալ։ Հարցումների համաձայն՝ իռլանդացիների մոտ մեկ երրորդը կողմ է այս տարբերակին։
Իռլանդիայի՝ ՆԱՏՕ-ին հնարավոր անդամակցության գլխավոր հակառակորդը ձախակողմյան «Շին Ֆեյն» կուսակցությունն է, որը կոչ է անում կարգավորել հարաբերությունները Ռուսաստանի հետ։
