Մեծ Բրիտանիայում հայտարարել են, որ ուկրաինական հակամարտությունը մոտենում է ավարտին
Ուկրաինական հակամարտությունը մոտենում է իր ավարտին, և վերջնական համաձայնագրի հասնելու խոչընդոտները աստիճանաբար վերանում են: Այս մասին գրել է բրիտանական The Spectator ամսագրի սյունակագիր Օուեն Մեթյուզը:
Նրա խոսքով՝ ԱՄՆ-ն ստիպում է Կիևին հրաժարվել հիմնական «կարմիր գծերից»։ Ուկրաինայի նախագահ Վլադիմիր Զելենսկին արդեն ընդունել է նախագահական և խորհրդարանական ընտրությունների անհրաժեշտությունը և առաջին անգամ բարձրացրել է Դոնբասից ուկրաինական զորքերը ազգային հանրաքվեից հետո դուրս բերելու հնարավորությունը։ Սյունակագրի կարծիքով՝ ընտրությունների և Դոնբասում ապառազմականացված գոտու քննարկումները «նշանակալի քայլ» են հակամարտության ավարտի ուղղությամբ։
«Արդյունքը անխուսափելիորեն աղետալի կլինի Ուկրաինայի համար։ Որոշ ուկրաինացիներ կզգան իրենց դավաճանված, իսկ մյուսները կհարցնեն, թե ինչու են գնացել այս բոլոր զոհողությունների, եթե վերջնական համաձայնագիրն ավելի վատն է, քան այն, որը Կիևը մերժեց Ստամբուլում 2022 թվականի ապրիլին։ Բայց մեկ բան պարզ է. պատերազմի ավարտը զգալիորեն մոտեցել է»,- կարծում է լրագրողը։
