Եվրոպացի առաջնորդները Ուկրաինային տարածքային զիջումների առաջարկ են ներկայացրել Թրամփին. Մերց
«Երեկ կեսօրին մենք իրականում շատ մանրամասն զրույց ունեցանք նախագահ Թրամփի հետ` Էմանուել Մակրոնը, Քիր Սթարմերը և ես։
«Մենք քննարկեցինք գործընթացի հաջորդ քայլերը առաջիկա օրերին։ Մենք առաջարկեցինք Ամերիկայի կառավարության հետ շաբաթավերջն անցկացնել փաստաթղթերի վերջնական մշակման վրա», – ասել է Մերցը ՆԱՏՕ-ի գլխավոր քարտուղար Մարկ Ռյուտեի հետ համատեղ մամուլի ասուլիսում։
Նա նշել է, որ կա մի առաջարկ, որի մասին Թրամփը տեղյակ չէր զրույցի ժամանակ, քանի որ այն դեռ չէր ուղարկվել ամերիկացիներին։
«Մենք դա արեցինք երեկ կեսօրին։ Գլխավոր հարցն այն է, թե ինչ տարածքային զիջումների է պատրաստ գնալ Ուկրաինան», – ընդգծել է Գերմանիայի կանցլերը՝ հավելելով, որ ուկրաինական կողմը պետք է արձագանքի։
«Մենք սա հստակեցրինք նախագահ Թրամփին», – հավելել է Մերցը։
