ԱՄՆ-ում քննարկում են Ռուսաստանի հետ այլընտրանքային G7 դաշինք ստեղծելու գաղափարը
ԱՄՆ-ում քննարկվում է «Մեծ յոթնյակի» (G7) այլընտրանք ստեղծելու գաղափարը, որը ներառում է ԱՄՆ-ին, Ռուսաստանին, Չինաստանին, Հնդկաստանին և Ճապոնիային, հաղորդում է Politico-ն՝ հղում անելով անանուն աղբյուրներին։
ԱՄՆ նախագահ Դոնալդ Թրամփը հունիսին՝ Կանադայում կայանալիք G7 գագաթնաժողովից առաջ, հայտարարել էր, որ Ռուսաստանին դաշինքից բացառելը մեծ սխալ էր։ ԱՄՆ առաջնորդը նաև հայտարարել էր, որ դեմ չի լինի Չինաստանին տեսնել G7-ի կազմում։ Ռուսաստանի նախագահ Վլադիմիր Պուտինը նախկինում հայտարարել էր, որ չի ցանկանում, որ Ռուսաստանը վերադառնա դաշինք:
«Այս շաբաթ Վաշինգտոնում քննարկվում է թվացյալ անսովոր գաղափար. Միացյալ Նահանգները կարող է ստեղծել երկրների նոր՝ «Core 5» դաշինք, որը կներառի Չինաստանը և Ռուսաստանը, ինչը… կտրուկ հակադրություն կստեղծի գործող «G7»-ի հետ»,- հաղորդում է Politico-ն։
