Լավրովը բացահայտել է Ուկրաինայի վերաբերյալ ԱՄՆ-ի ծրագրի գաղտնի կետերից մեկը
Ուկրաինական հակամարտության կարգավորման ԱՄՆ առաջարկները կոչ են անում ապահովել Ուկրաինայում ազգային փոքրամասնությունների իրավունքները և կրոնական ազատությունները: Այս մասին, ըստ ՏԱՍՍ-ի, հայտարարել է Ռուսաստանի արտաքին գործերի նախարար Սերգեյ Լավրովը։
«Հուսով եմ՝ որևէ գաղտնիք չեմ բացահայտում: [ԱՄՆ նախագահի հատուկ դեսպանորդ Սթիվեն] Ուիթքոֆի կողմից ներկայացված առաջարկներում հատուկ նշված է. ապահովել Ուկրաինայում ազգային և կրոնական փոքրամասնությունների իրավունքները»,- ասել է նա։
Ռուսաստանի արտաքին գործերի նախարարության ղեկավարի խոսքով՝ կարգավորման վերաբերյալ փաստաթղթերը ներկայումս գաղտնի են, բայց մարդու իրավունքների հարցերը չեն կարող գաղտնի պահվել։
