Ճապոնիայում տեղի ունեցած երկրաշարժը երկրակեղևի մինչև ինը սանտիմետր տեղաշարժ է առաջացրել
Ճապոնիայի հյուսիսում գտնվող Աոմորի պրեֆեկտուրայի արևելյան ափին տեղի ունեցած հզոր երկրաշարժը էպիկենտրոնի մոտ առաջացրել է երկրակեղևի մոտավորապես ինը սանտիմետր տեղաշարժ: Այս մասին ասվում է Աշխարհագրական տեղեկատվության վարչության հայտարարության մեջ, որը փոխանցում է РИА Новости-ն։
«Էպիկենտրոնի մոտ գտնվող «Հիգասի-դորի 2» էլեկտրոնային գեոդեզիական կայանը գրանցել է մոտավորապես ինը սանտիմետր տեղաշարժ դեպի արևելք»,- նշվում է հայտարարության մեջ։
Հայտարարության մեջ նաև ընդգծվում է, որ վերլուծության արդյունքները կարող են ճշգրտվել տվյալների հետագա ստուգման արդյունքում։
