Իսրայելը մուտքի իրավունք չի տվել Նորվեգիայի վարչապետին. Dagens Naeringsliv
Նորվեգիայի վարչապետ Յոնաս Գար Սթյորեն մտադիր էր մեկնել Իսրայել՝ բանակցություններ վարելու, սակայն քաղաքական պատճառներով նրա մուտքը մերժվել է։ Այս մասին տեղեկացրել է «Dagens Naeringsliv» թերթը՝ հղում կատարելով աղբյուրներին։
Թերթի տեղեկացմամբ՝ մերժումը ստացվել է անցյալ ամիս։ Իսրայելի իշխանությունները այցը որակել են անտեղի կամ անցանկալի։
«Dagens Naeringsliv»-ը գրել է, որ իսրայելա-նորվեգական հարաբերությունների սառնությունն առաջացել է Մերձավոր Արեւելքում լարվածության սրումից հետո, որը պայմանավորված է եղել 2023թ․ հոկտեմբերի 7-ին Գազայի հատվածից Իսրայելի տարածք արմատական պաղեստինյան ՀԱՄԱՍ շարժման զինյալների ներթափանցմամբ։
Հնարավոր պատճառներից են Նորվեգիայի աջակցությունը Միջազգային քրեական դատարանի կողմից Նեթանյահուին Թագավորություն ժամանելու դեպքում ձերբակալելու որոշմանը, Օսլոյի կողմից Պաղեստինի անկախության ճանաչումը եւ այն փաստը, որ Նորվեգիայի կառավարության կենսաթոշակային հիմնադրամը հրաժարվել է իր բաժնեմասերից մի քանի իսրայելական ընկերություններում։
