Վրաստանի տնտեսությունը 9 ամսվա ընթացքում աճել է 7.7%-ով
Ազգային վիճակագրական ծառայության (Geostat) նախնական գնահատմամբ՝ 2025 թվականի սեպտեմբերին, նախորդ տարվա համապատասխան ժամանակահատվածի համեմատ, Վրաստանի համախառն ներքին արդյունքի (ՀՆԱ) աճը կազմել է 6.4 տոկոս: Այս մասին գրում է aliq.ge-ն։
Առաջին ինը ամիսների միջին ցուցանիշը, ըստ Geostat-ի, աճել է 7.7 տոկոսով։
Ծառայության տվյալներով՝ 2025 թվականի սեպտեմբերին, նախորդ տարվա համապատասխան ժամանակահատվածի համեմատ, աճին զգալիորեն նպաստել են հետևյալ ոլորտները՝ արտադրություն, տրանսպորտ և պահեստավորում, տեղեկատվություն և կապ, մասնագիտական, գիտական և տեխնիկական գործունեություն, իսկ նվազման միտում նկատվել է շինարարության և էներգետիկայի ոլորտներում:
