Թրամփը ժամանել է Մալայզիա. այնտեղ նախատեսվում է Կամբոջայի և Թաիլանդի միջև «մեծ խաղաղության համաձայնագրի» ստորագրում
ԱՄՆ նախագահ Դոնալդ Թրամփը ժամանել է Մալայզիա՝ մասնակցելու ԱՍԵԱՆ-ի գագաթնաժողովին: Ժամանումից հետո նա միացել է իրեն դիմավորող արտիստների կողմից կատարվող ավանդական պարին։
Օդանավակայանում նախագահին դիմավորել են Մալայզիայի ղեկավարները՝ վարչապետ Անվար Իբրահիմի գլխավորությամբ: Ավելի ուշ նրանք երկկողմ հանդիպում կունենան։
Ավելի վաղ Թրամփը հայտարարել էր, որ Մալայզիայում կստորագրվի Կամբոջայի և Թաիլանդի միջև «մեծ խաղաղության համաձայնագիր»։
