Բրիտանիայում հետախուզում են հայտարարել սեռական հանցագործ միգրանտի նկատմամբ, որին սխալմամբ ազատ են արձակել բանտից
Մեծ Բրիտանիայի ոստիկանությունը հետախուզում է Եթովպիայից ապաստան հայցող և սեռական հանցագործության համար դատապարտված մի անձի, ում հանցագործությունները հակաիմիգրացիոն բողոքի ալիք են բարձրացրել և ով պատահաբար ազատ է արձակվել բանտից, հայտնում է AFP-ն։
Մեծ Բրիտանիայի վարչապետ Քիր Սթարմերը հայտարարել է, որ ինքը «ցնցված է» ուրբաթ օրը տեղի ունեցած «բացարձակապես անընդունելի» սխալից, որի հետևանքով 38-ամյա Հադուշ Գերբերսլասի Քեբաթուն ազատ է արձակվել, այլ ոչ թե ուղարկվել ներգաղթյալների ժամանակավոր պահման կենտրոն։
Քեբաթուն դեռահաս աղջկա և մի կնոջ նկատմամբ սեռական ոտնձգության համար սահմանված պատժի միայն առաջին ամիսն է կրել, սակայն, ըստ տեղեկությունների, նա պետք է արտաքսվեր, երբ բանտային ծառայության սխալ էր տեղի ունեցել։
Քեբաթուի աղմկահարույց գործը, որը սկսվել էր այս տարվա սկզբին Լոնդոնից հյուսիս-արևելք գտնվող Էպինգում, բողոքի ցույցերի և հակաբողոքի ցույցերի պատճառ է դարձել անգլիական տարբեր քաղաքներում, որտեղ, ենթադրաբար, գտնվում են ապաստան խնդրողներ։
Արդարադատության նախարար Դեյվիդ Լամմին ուրբաթ երեկոյան հայտարարել է, որ Քեբաթուն «ազատության մեջ է Լոնդոնում», այն բանից հետո, երբ նրան տեսել են Անգլիայի արևելյան Չելմսֆորդ քաղաքից մայրաքաղաք մեկնող գնացք նստելիս։
