Ուկրաինայի ֆինանսավորման աղբյուրների վերաբերյալ որոշումը հետաձգվել է. Եվրոպական խորհրդի նախագահ
Եվրոպական խորհրդի նախագահ Անտոնիո Կոշտան հաստատել է, որ ԵՄ-ն Ուկրաինայի ֆինանսավորման աղբյուրների վերաբերյալ որոշում կընդունի այս տարվա դեկտեմբերին, հաղորդում է BBC-ն։
Բրյուսելի գագաթնաժողովից հետո ԵՄ առաջնորդները համաձայնել են երաշխավորել Ուկրաինայի ֆինանսական կարիքները 2026-2027 թվականների ընթացքում։ Սակայն նրանք դեռևս չեն կարողացել լուծել Եվրոպայում սառեցված ռուսական 140 միլիարդ եվրոյի ակտիվների այդ նպատակներով օգտագործման հարցը։
«Մենք խնդրել ենք Եվրոպական հանձնաժողովին հնարավորինս արագ մեզ տրամադրել տարբերակներ, որպեսզի Ուկրաինան ունենա իրեն անհրաժեշտ ռեսուրսները շարունակելու և անհրաժեշտության դեպքում 2026 և 2027 թվականներին արդար և երկարատև խաղաղության համար պայքարելու համար»,- ըստ Reuters-ի՝ մամուլի ասուլիսում լրագրողներին ասել է Կոշտան։
«Ռուսաստանը պետք է լուրջ վերաբերվի դրան։ Ուկրաինան կանխատեսելի ապագայում կունենա իրեն անհրաժեշտ ֆինանսական ռեսուրսները ռուսական ագրեսիայից պաշտպանվելու համար։ Մենք պետք է աշխատենք եվրոպական աջակցության տեխնիկական, իրավական և ֆինանսական ասպեկտների վրա, և մենք կվերադառնանք այս հարցին Եվրոպական խորհրդի դեկտեմբերյան նիստում»,- նշել է Կոշտան։
