Նեթանյահուի գրասենյակը նշել է պատանդների ազատ արձակման հնարավոր ժամկետները
Երուսաղեմը սպասում է, որ իսրայելցի պատանդները Գազայի հատվածից կազատվեն երկուշաբթի կամ երեքշաբթի օրը։ Այս մասին Տելեգրամի իր ալիքում հայտնել է Իսրայելի վարչապետի գրասենյակի խորհրդական Դմիտրի Գենդելմանը։
«Իսրայելցի պատանդները կազատվեն երկուշաբթի կամ երեքշաբթի»,- գրել է նա։
Հոկտեմբերի 9-ին Գազայի հատվածում ՀԱՄԱՍ շարժման առաջնորդ Խալիլ ալ-Խայան հայտարարել էր, որ միջնորդներն ու ԱՄՆ իշխանությունները շարժմանը տվել են «համակարգային կարգավորմամբ» տարածաշրջանի հակամարտությունը վերջնականորեն դադարեցնելու երաշխիքներ։ Նրա խոսքով՝ հասած համաձայնությունները ներառում են մարտական գործողությունների լիակատար դադարեցում, իսրայելյան զորքերի դուրսբերում հատվածից, մարդասիրական օգնության անարգել առաքում և հակամարտության կողմերի միջև պատանդների փոխանակում։
