Հայաստանի և Թուրքիայի միջև հաստատված է աննախադեպ դրական երկխոսություն. Նիկոլ Փաշինյան
Հայաստանի և Թուրքիայի միջև հաստատված է աննախադեպ դրական երկխոսություն։ ՄԱԿ-ի ԳԱ 80-րդ նստաշրջանում իր ելույթում ասաց Նիկոլ Փաշինյանը։
Ըստ նրա` տեսանելի ապագայում այն բերելու է դրական արդյունքների` դիվանագիտական հարաբերությունների հաստատման և միջպետական սահմանի լիարժեք բացման։
Նրա խոսքով` Թուրքիայի նախագահ Ռեջեփ Թայիփ Էրդողանի հետ իր հանդիպումները պարբերական բնույթ են կրում և վստահության շարունակական աճի մակարդակ կա։
«Սա մի ձեռքբերում է, որ ես չափազանց բարձր եմ գնահատում»,– նշեց Նիկոլ Փաշինյանը՝ ավելացնելով, որ վերջին տարիներին ՀՀ դիվանագիտական հարաբերությունների աշխարհագրությունը տեսանելիորեն ընդլայնվում է` այս համատեքստում կարևորելով Սաուդյան Արաբիայի և Պակիստանի հետ դիվանագիտական հարաբերությունների հաստատումը և հիշեցնելով, որ 30 տարվա անկախությունից ի վեր ՀՀ–ն դիվանագիտական երկխոսություն չի ունեցել այս երկների հետ։
